12 vikna sónar

Eru ekki flestar búnar að fara? Hvernig gekk hjá ykkur? Er að fara á morgun og er rosalega stressuð eitthvað. Og hvernig sögðuð þið frá?

Ég fór 7.des og allt kom rosalega vel út. Allt sem hægt er að skoða leit vel út og hnakkaþykktarmælingin var fín, minnir að þykktin hafi verið 1,5 mm og á að vera undir 3 mm.
Ég er líka búin að fá úr samþætta líkindamatinu og það kom líka rosa vel út.

Ég er bara búin að segja yfirmanni mínum í vinnunni, foreldrum mínum og systur. Börnin okkar fá að vita á aðfangadag, þá verð ég komin 15 vikur. Geri ráð fyrir að eftir það verði þetta ekki lengur leyndarmál, efast um að þau þegi og er að hugsa um að athuga hvort krakkarnir séu ekki tilbúnir að tilkynna þetta í fjölskylduboðunum um jólin.

Ég hef alveg getað haldið þessu leyndu, sést ekki á mér ennþá og held að engin búist við þessu svo ég hugsa að þetta komi mörgum á óvart.